آرادان گئچن یول
عشقیمیزین اوْستونه یاغوش یاغیب
بیر چیچک گویردی
اللریمیزدن بیر بولاغ جوشیب
گوْناهلاریمیزی یوییب
آخدی
تانری گوْلوْنه قوشولدی
اورییمیزدن بیرالو اوجلیب
شیطانی یاندیریب
کوْلونی سپه لییب بهشت داغلارینا
آرامیزدان بیر یول گئدیر
منیم آدئمی سنین یادینان آپاردی
...
چیچک یاندی
بولاغ قانا باتدی
الولار تانری باغئنی یاندیردیلار
واری یول لار توزدا ایتدیلر
داغلار قره گئییندیلر.
