سوروشدوم:
عشق نه دیر؟
گؤزلریمی بولود توتدو
گون آللیندا
چاغئردیم:
منی چوخ سوئیر؟
گون باتدی
اؤزونه دئدیم:
مندن گئچمه بئله....
گؤزگو تکین
سینیب
تورپاغ اولدو
* گؤزگو :آینه
بیر یوخ
مین اولدوز دوغولاردی
بیر مکتوب یازسایدین
اورییم چیچکی گولردی
بیر آغز ایرلاسایدین
بولاغ لارجوشاردی
بیر یاغلوغ آتسایدین
ایلدریم لر چالاردی
سن امما ...
گوزلرین باغلادینجا
گون قره یه باتدی.....
بو گئجه لر ده گئدمگ
گوندوزده آغلاماگ
بو پریشان تللر
یارا ایاغ لار
بو یانئغ دوداغ لار
یولا تیکیلمیش گوزلر
بو یوخوسوزلوگ
آواره لیگ
غریبلیگ
هامیسی سنسیزلیگدندیر...
