بو چؤل ده گه زه ن جئیران لاردان
سوروشما
هانسئ کؤچؤرده من ایتدیم؟!
ایندی بئله حسرتلی یول لارا باخما
هئچ شفق ده
من بولونمام
پنجره دن کوچه یی گؤزله مه
گؤزلرینگ تیکمه گه لن موسافیرله ره
منئ
او حئیران سیگارلار دومانیندا
مشروب گیلاسلارینین درین لیگینده
ائشیدیلمه میش سازلار نغمه سینده
کیتابلارینگ غوربتینده
یازیلیب،خط له نمیش شئعرلرینگ آراسیندا
دیله چالینمامئش سؤزلرده
او مرحوم قوشمالار قوجاغیندا
...
آردئم سورا گه ز
من سنینگ
باغیشلانمیش گوناهونگ
گؤرونمه میش موعجئزه نین اثریم
سنه
من وحی اولورام
دستنماز آل،
آلینگ باش منیم یازیلی لاریما!
من اوره ئینگ ده کی قان ایچینده
قایناییرام...
من من لیگیمی
وئرمیشم مونقرئض اولان جئیران لار دالینا...
منی گؤزله مه،
من
ائله سنم!
چوخ دان دور یازماموشام
چوخ یازماموشام
شئعرلر گوینومده گزیر امما
قلم الیمه گلنده
بینیم بوشاریر.منم باشمومدان اوره گیمه چوخ یول دور
شئعر لر الیمده ایتیرلر...
ره گ لریم ایچینده
بیر وحشی جئیران قه چیر
او تایدا
بیر داغ توتساق دا
اونون باشیندا چالان ایلدیریمله ر بوغولوب لار
أتته یینده أسه ن یئلله ر
یول لارینئ ایتیرمیشله ر
او داغدان آخان چئی له ر آغزیندا
قان دولموش
مه ن
او داغ بالاسییام
آنام بیر کیشی دیر
آنام
چوخدان دور توتساقدا
منئ زه نجیر ده دوغموش
سئل له ر آنامی یونموش لار
زیلزیله له ر ترپدمیشلر بئله سینی
سینمه میش
یورولماموش
ساچلاری آغارمیش
بئلی ده ائیلمیش
منیم آنام
او کیشی
اؤلموش
آمما أییغ اوستونده قالموش
منیم ره گ لریم ده
بیر کؤرپه جئیران ساللانییر...
یئل له ر منئ بولا بیلیرله ر
باشیمدا
بیر ایلدیریم چالییر
من بیر داغ بالاسییام...
گاهدان بیر
یادومنان چئخیر سن وارانگ
اوزومو گورمورم
اللریمی ایتیریرم
باشومنان دومان گچیر
گاهدان بیر
چورک سوفرادان قچیر
سو آخاردا
قانا دونور
بیر دن بیر
من منی بولورام
من اوزومو
روزناما صفحه سینده
ایتگین لر ایچینده گورورم
من سنی
بولودلاردا گزیرم
سن هاردا اولسانگ دا
من سنی
بولوب گئنه ایتیررم
گاهدان بیر
من اوزومه کاغاذ یارارام
سنه یوللارام
امما
واری وقت لرده
من اوزومو آختاراندا
سنی بولورام...
چال عاشیق
سازینگ سسی
ایچیمدن گلیر
نغمه لرینگ
روحومدا گزیر
دارا قوشمالار تئلئینی سازینگدان
اوشاغلیگیم گولوش لری
آخییر
بورماغلارینگ آراسیندان
چال عاشیق
سس وئریرم سسینگه
یادوما سال اوجاغ باشینداکی قوجا بابام متل لرینی
فرهاد قازماسی سسی
بوغازینگدان چئخیر
شیرین هانسی داغ دا آواره دیر؟
شاه صنم عهدئ باش اولموش
غریب بولونمویور؟
اولدوزلاری ساییرام
اولدوزلار ایشیقی سازینگدان آسیلمیش
چال عاشیق
سازینگ چال یئره سیندیر!
کؤرپه اوشاغلار
متل سیز
گؤزلرئ حایات ایشیقیندن بوشالمامیش...
باشوما توفنگ سسی دولور
دومان دا کوراوغلویو گؤزلییرم
او چؤل دن قورد سسی گلیر
گؤی بیزه آغلاییر
...
سازینگ توت باشینگا
ایرلر یویولماسئن دوداغینگدان
آی آیدین گئجه سی
سنی ایتیردیم
أللریم ایچیندن
الینگ اوزولدو
گؤزلریم ایچیندن
باخوشونگ قچدی
سووغ یئللره
غریب ائللره
منی تاپشوردونگ
اولدوزلار دوغولدو
منیم آللیمدان
بولاغلار آخدئ
گؤزلریم دن
غریبلیگ شهرینده
تانوش اولموشام
سنی تاپشوردوم
اولو تانریا
آی آیدین گئجه سی
قورشاندوم نامازا...
گون چالاندا
سو تکین آخدئیم
سنینگ دوداغونگ
سوسوزموش گئنه؟!
بیر آرواد
ایچیمده آغلاییر
کورپه اوغلاغ لار آغولدان یاززی دا دیرلار
یال اوستونده قورد کولگه سی گورونور
ایتله ر یورددان قه چیب لر
چوبان مه نقل اوستونده پینکی له ییر
شه فق قه ره نگیه بیتیر
باشومدا بیر اوشاغ قه چیر
قورخو گوزومه تیکیلمیش دیر
ایاغلار یم یئره باتمیش
ساچلاریما
دومان یاغیر
آنام ایچیمده
آغلاییر
ساچلارینی یوسور...
.
.
.
من اولموشم می؟
ساچلاریم
آسیلمیش قوشمالارینگدان
رویالارونگ نبضی
اووجوم ایچینده چالییر
منیم خیالیم
گویده گزیر
سنین ایاغلارینگ
تیکیلمیش یئره
بیرلیگیمیز چانتاسی
جیران دالیندا گئدیر
سن
سح رده اسن حایات یئلی
من
اوجاغ باشئنداکی قره داش
آرامیزدا
بیر سئرلی محبت
وعده میز
سحر چاغی
سن منه اسنده
ایشتیاقدان
سنینگ اللرینگ
قار اولار
منیم اوزوم
یانار...
قافقاز داغلاریندان
قوپوب
خسروشیرین دره سینه
آخمیشام
سنی بولماگا...
.
.
.
های
آهای!
شفقده کوچن آغور ائل
منیم آرزیم سیزده ده ییل؟
